شيبة عرعر يظهر بعد غياب طويل .. لكن ماسبب الغياب ؟ الإجابة بالحوار الجديد للشايب المشاكس - صحيفة عرعر اليوم

صحيفة عرعر اليوم


صحيفة عرعر اليوم

صحيفة عرعر اليوم

صحيفة عرعر اليوم

صحيفة عرعر اليوم

صحيفة عرعر اليوم

صحيفة عرعر اليوم

صحيفة عرعر اليوم

صحيفة عرعر اليوم

صحيفة عرعر اليوم





 

الأخبار
شيبة عرعر
شيبة عرعر يظهر بعد غياب طويل .. لكن ماسبب الغياب ؟ الإجابة بالحوار الجديد للشايب المشاكس

شيبة عرعر يظهر بعد غياب طويل .. لكن ماسبب الغياب ؟ الإجابة بالحوار الجديد للشايب المشاكس

10-03-2011 10:37 PM
رسائل كثيرة تلقتها عرعر اليوم تسأل عن حال شيبة عرعر وسر غيابه الذي طال كثيراً .. تخوف القراء على شايبهم هل غادر مدينة عرعر !!
لكن الوفاء من شيبة عرعر لمدينته كبير جداً فهو لايستطيع المغادرة نهائياً لتعلق قلب الشايب ووجدانه بأرض هذه المدينة
لكن ... ماهو السبب الذي جعله يغيب هذا السؤال إجابته في الحوار الجديد الممتع بعد غياب لشيبة عرعر خطف مع قلوب محبيه



السلام عليكم ياشيبة عرعر ؟
وعليكِ السلام وعلى القراء الكرام يامدينتي الغالية ورحمة الله وبركاته .

سلامات ياشايبنا الفاضل وين هالغيبة الطويله عسى ماشر؟! ومن طول الغيبات جاب الغنايم .
ابشرك ياعرعر والقراء الكرام مافيه إلا الخير ان شاء الله واشكر كل من سأل عني . اما سبب غيابي فأنا مشغول بكتابه اطروحة الدكتوراه إن شاء الله والتي سأناقشها بعد الاتفاق مع المكتب



اي مكتب اللي تبي تتفق معه ؟
مكتب (ابشر) لخدمات الطالب عنده اطروحات جاهزه بس نغير العنوان ونقدم او نأخر بعض الفصول والموضوعات وتمشي الحال . وإذا مامشت الحال عنده ناس يسوون البحث بحقه . من جماعة (حاضر يافندم )

وين وصلت مع المكتب ؟
المكتب طلب علي مبلغ خمسة الاف ريال مقدماً والفين ريال بعد اجازة الاطروحه وانتِ تعرفين الحال ياعرعر قلت لصاحب المكتب اقسطلك من راتب الضمان ورفض والآن جالس ادور من يسلفني .

عطني عنوان المكتب ياشيبنا الفاضل لعلي اخذ منه الدكتوراه مثلك ؟
ياحبيبتي ياعرعر انتي عندك عدد من شهادات الدكتوراه :
- دكتوراه في البطاله
- دكتوراه في عدد المطبات الاسفلتية المزخرفه بالدرر (قسطي عيون القطط ) .
- دكتوراه علمية بحته بضيق التنفس من الغرب والجنوب والشرق .
ومالك إلا التنفس من جهة الشمال ولا تفكرين بالتنفس الى جهة نجد قصدي الجنوب .


اوووه منك ياشيبة عرعر وبعدين انت على ماقال المثل بعد ماشاب ودوه الكتاب وش تبي بالشهادة وانت بهالعمر خاصة ان ظروفك المادية لا تساعدك ؟
ابي دكتور مثل بعض دكاترة اهل عرعر .

وش فيهم دكاترة اهل عرعر ؟
تبين توهقيني مع الدكاتره ياعرعر انا قلت مثل بعضهم وما عممت ولكن انتِ ياعرعر ما تخلين النميمه واهل النميمه عندنا الظاهر تعلموا منك .

طيب وش فيهم هالفئه اللي تبي تصير مثلهم ؟
الحقيقة هناك فئه قليلة اخذوا الشهادة من اجل العلم . كثير من الناس ما يدري بانهم يحملون دكتوراه وهم ماهمهم ان يعرفوا الناس او لا يعرفوا وهمهم الاكبر الاستفادة من علمهم وهؤلاء ماني قدهم .

اما الفئه الاخرى حدث ولا حرج . منهم من اخذ الشهادة من جامعات خارجية غير معترف بها من اجل البرستيج فقط وان قلت لهم يادكتور شافوه معروف منك وإذا ما قلت ما يعاتبونك . على رأي المثل اللي يقول ( لا يهش ولا ينش ) .

وفئه من اخذوا الشهادة من اجل البرستيج وتحقيق مصلحة خاصة ودوخونا بالاعلام عن خبر حصولهم على الشهادة سواء كخبر او اعلانات التهاني . فعندما تدخل معهم في مناقشه يخطر في بالك سؤال كيف اخذوا الشهادة ؟!!

وفئه اصابهم الغرور الى درجه ان ناديته وما قلت يادكتور حمرة عيونه عليك وتلقاهم يترززون بالبشوت ويحاولون يعوضون عدم المعرفه بغرورهم . ومنهم من زادت عنده العصبيه القبليه اكثر من عصبية القبيله التي ينتمي لها .

وفئه منهم تبرأ من اسم القبيله التي ينتمي لها يعتقد انه عيباً او عائقاً له مايستلم مناصب واستلمنا بالاعلام بكتابات مدح ونفاق ليحقق مصلحته الخاصه .

والباقين اعذريني ياعرعر ما ودي اكمل .


لا ياشايبنا علشان القراء ودهم يعرفون للفائدة ؟
الباقين منهم الله يسلمك من استلم منصب وعاد للعصبيه القبليه اكثر من تعصب جهلاء القبيله .
ومنهم من استغل منصبه للأختلاس واتبع سياسة شد لي واقطع لك .
واللي يغيظني اكتر يامدينه عرعر بان سمعة علاقه دكاترتنا ببعضهم بالجامعه ماتشرف . تكتلات قبليه ومناطقيه وعصبيه وحرب داحس والغبراء قائمه فيما بينهم .


وش تبي يسوون ياشايبنا الفاضل هذه طبيعه البشر ؟
لا ياعرعر هذه طبيعة البشر الغير متعلمين . اما هؤلاء فعليهم واجبات تجاه دينهم ووطنهم ومواطنيهم .

وش تبيهم يسوون اكتر من الحصول على اعلى الشهادات ؟
العلم الذي لا ينتفع به ما هو علم وقد استعاذ نبينا محمد صلى الله عليه وسلم من ذلك حيث قال ( اللهم اني اعوذ بك من علم لا ينفع )
نبي منهم مؤلفات في تخصصاتهم وغير تخصصاتهم .
نبي نبذ الغرور على من هم اقل منهم تعليماً في رايهم ( وترى هناك من هو اقل منهم شهادة وخير منهم ثقافه ) .
نبي ان يسهموا في نبذ التعصب وتحسين علاقاتهم مع بعضهم البعض في هذا الصرح الشامخ للرفع من مستوى الجامعه الى صفوف الجامعات الاخرى .
نبي المساهمة الاعلامية النافعة اما لتغيير عاده قبليه سيئه او طرح مقترح او تاليف ادبي او تاريخي يستفيد منه كافه المجتمع او تستفيدين منه انتي كمدينه لكن يبقى الامل يامدينتي الغاليه بالورود .


وش تقصد بالورود ياشيبة عرعر ؟
تعرفين يامدينتي الغاليه بان الروض الخضر تزيدة الورود ابتهاجاً وتبعث في نفس المشاهد سروراً وانا اقصدهنا بناتنا اللاتي يحضرن الان للدكتوراه وعلى وشك اجتياز هذه المرحله لعلهن يتحفن بمؤلفاتهن ويستلمن مناصب الجامعة اللي مسيطرات عليها المتعاقدات .

تعليقات 22


خدمات المحتوى


التعليقات
#19302 Saudi Arabia [لاعب محور]
10-03-2011 10:54 PM


هلا وغلا بشيبة عرعر
لك وحشه ياوحشششششش الكتابه

مع أني متأكد أني أعرفك معرفه شخصية

لكن لن أبوح لك بها ايه الصديق الغالي



ولا تطول الغيبات مرهـ ثانيه نبي اطروحاتك الجميله بكل أسبوع

وأكتب في المره القادمه عن حصولك على الدكتوراه الفخريه من صحيفة عرعر اليوم



#19308 Saudi Arabia [غائم جزئياً]
10-03-2011 11:55 PM
هلالالالالالالالالالالالالالالالالالالالالالالالالالالالالا









وغلالالالالالالالالالالالالالالالالالالالالالالالالالالالالا



بالغالي







وووووووووووووووووينك












وش الغياب


الف شكراً على اللقاء


#19309 Saudi Arabia [دكتور هاديء ]
10-04-2011 12:00 AM
فعلاً أغلب الدكاترة كأنهم ينتظرون الدكتوراة من أجل البرستيج والظهور الاجتماعي

فيه مثلاً واحد منهم من طلع من القاعة واخذ الدكتوراه على طول اتصالات بالاعلام نزلوا الخبر بسرعة


لاحول ولاقوة الا بالله


ماعمري شفت دكتور اخذ الشهادة وهو ساكت ماينشر الخبر بالاعلام


#19310 Saudi Arabia [قاطع اشارة ]
10-04-2011 12:02 AM
لاعب محور من هو شيبة عرعر تعرفه

علمنا



والا والله ازحلق عليك واكسرك بما أنك لاعب محور ولا أخليك تلعب المباارة الجاية


#19313 Saudi Arabia [قلم رصاص]
10-04-2011 12:21 AM
الله يعين مدير الجامعة على المشكلات اللي عنده بسبب بعض الدكاترة !!!!






مانبغى منهم اطروحات للمجتمع بس نبغى منهم يتفضلون بسكوتهم


#19314 Saudi Arabia [سقراط]
10-04-2011 12:23 AM
شيبة عرعر فيه دكاترة ممتازين


نقدم حسن الظن



تقبل وجهة نظري


#19316 Saudi Arabia [تعرفون عرعراليوم]
10-04-2011 12:45 AM
يالله حيه شيبة عرعر والحمدلله على السلامة

كلامك درر ياشيبة عرعر امتعتنا بكل حرف وبكل كلمة قلتها

كلامك من جد هو الواقع

مشكوره ياعرعراليوم على اظهار شيبة عرعر ورجوعه لنا



شيبة عرعر ابشرك عرعر اليوم في القمة وكل صحف المنطقه
هجدت من تميز عرعر اليوم


#19326 Saudi Arabia [أديب]
10-04-2011 08:48 AM
بالنسبة للدكاترة والجامعات الخارجية اللي يحصلون من خلالها على الشهادة
من المفترض أن وزارة التعليم العالي تحدد خمس دول متقدمة علمياً على صعيد الجامعات تعتمد من خلالها الشهادات أما مسألة أن تعتمد الشهادات من جميع الدول ففيها تحفظ كبير وعلامات استفهام نظراً لأن هناك بعض الدول بها جامعات راتب دكتور الجامعة لا يتعدى ألفي ريال !!

تحديد خمس دول أفضل شيء بالإضافة للجامعات السعودية داخل المملكة لدينا جامعات أفضل من الخارج مائة مرة


#19327 Saudi Arabia [ابومحمد]
10-04-2011 08:52 AM
أي والله عيون القطط ذبحتنا مطبات الزلزال مثل ماقلوا أعدمت سيارتنا


فعلاً ماودك تشتري سيارة زي الناس بعرعر دتسن تكفي


#19328 Saudi Arabia [طيبتي أكبر همومي]
10-04-2011 08:52 AM
والله سوالفك رهيبه ياشيبه عرعر


أحسن مافيهاالمداعبه ونفس الوقت النقد المباشر الجميل فيها عن طريق النقاش المضحك الهادف والفهيم على قولتهم بإلاشارة يفهم




لاتطول الغيبات ياشيبة عرعر علينا


هلا ومليــــــــــــــــون هلا ومرحبــــــــــــــــــا فيك منــــــــــــــور عرعر اليوم


#19334 Saudi Arabia [سالم العنزي]
10-04-2011 10:55 AM
حاضر يافندم



نبغى شهادة ياشيبة عرعر كان تعرف من المكاتب


#19335 Saudi Arabia [الغلا]
10-04-2011 10:58 AM
الحمدلله اللقاء هذا مابه طاريء زواج زي اللقاءات الماضية







شكراً عرعر اليوم وشيبة عرعر


#19336 Saudi Arabia [ابومشاري]
10-04-2011 11:17 AM
لاعب محور !!




من هو شيبة عرعر ؟؟؟


#19337 Saudi Arabia [لكن]
10-04-2011 11:23 AM
ياجماعة الخير بالنسبة لشهادة الدكتوراه حالياً أصبحت عادية وكثير نال هذه الدرجة


لكن




هل استفادت عرعر منهم !!!!


#19338 Saudi Arabia [برستيج]
10-04-2011 11:28 AM
الحمدلله على السلامة شيبة عرعر


قلت الله يستر عليك من السكر لا يكون مرتفع


#19342 Saudi Arabia [فادي ابن ابوفادي]
10-04-2011 12:00 PM
بلاوووووووووووووووووووووووي







بين












منسوبي الجامعة





#19346 Saudi Arabia [ابو حمد]
10-04-2011 12:42 PM
اشهد بالله بانك اصبت الهدف ياشيبة عرعر

وما سطره قلمك واقع اجتماعي موجود بجميع مناطق المملكه
واجمل مابالموضوع صنفتهم الى فئات وكل فئه اعطيتها حقها
وقفلت عليهم
واللي على راسه بطحاء يتحسس عليهاشكري وتقديري لك با غملاق النقد الساحر والساخر في آن واحد


#19352 Saudi Arabia [حاسم ]
10-04-2011 06:24 PM
ياشيبة عرعر


ليه كذا على الدكاترة


وش جاب الدكاترة لك

يعني أنت اقصى تفكيرك ازمة الشعير


مالك ومال أهل العلم والمعرفة


#19353 Saudi Arabia [غريب]
10-04-2011 07:12 PM
الوكاد


أعجبتني فقرة


ومالك إلا التنفس من جهة الشمال ولا تفكرين بالتنفس الى جهة نجد قصدي الجنوب



صدقت !!!! الله يستر مالنا الا طريق الجديدة


#19361 Saudi Arabia [فائق السرعة ]
10-05-2011 07:56 AM
يارب العالمين طول بعمر شايبنا


لو هو ماشاف شيء من دكاترة الجامعة ماذكرهم وانتقدهم



شكرا


#19363 Saudi Arabia [ماجد]
10-05-2011 09:07 AM
نعم تكتلات موجودة شاء من شاء وأبى من أبى بالجامعة


حرب ضروس واضحة لكل متابع


#19401 Saudi Arabia [نقاط عالحروف]
10-05-2011 09:22 PM
والله هذي شهادات الدول المجاوره كيس رز ثانويه عامه
كيسين رز مع كرتونين دجاج جامعة
لاب نوب اصلي مع ايباد ماجستير
خمسة الاف دكتوراه


تقييم
5.01/10 (20 صوت)




Powered by Dimofinf cms Version 3.0.0
Copyright© Dimensions Of Information Inc.

صحيفة عرعر اليوم
الرئيسية |الأخبار |المقالات |الصور |البطاقات |الفيديو |راسلنا | للأعلى