يالله يالمستعـــان المستجيـــب المهـــــاب=يامنزل الغيث من كبد السحاب النصــــوب


    لك الثناء والشكر والحمد لك والإيــــاب=على سلامة مليك المملكة والقلــــوب                     


 الشعب ياسيدي من يوم طبت أنت طاب=وتـــورق النبـت مابين الزهـــر والحبــوب


      الله خلق فيك حب الناس شيب وشباب=ياحــارمً كفــك التقبيـل وأنـت محبـــوب


      يوم الله أشفاك ماشفاك أنت من هالمصاب=أشفابك المسلمين بكل حدبٍ وصوب                 


 يالمؤمن الزاهد العدل الرحوم السحاب=الناس عندك سواء بالحــق . مالك قروب                  


وفقت من دونهم وقفه عزيز الجناب=تنطــح بمتنـك زمـــام النايبــات وتنوب        


    عن أمة الفقه والقرآن خطب وخطاب= واليا برمــت الأمور الكـايدة لك تــذوب   


  يالقايد الملهم الحر الأصيل الحجاب = واللي يأمره شــروق الشمس قبل الغروب


         لو حط لأملوك الأرض مفاضلة وانتخاب=لتصير . الاول بمنظار الأمم والشعوب   


 ياللـي جمعـت أمة الإســلام بأهــل الكتاب =وفتحت لمحاور الاديان كل الدروب     


  وقفلت دون التطـرف والغلـو ألـف بـاب=ورفعت راية هل التوحيد في كل صوب       


 صفحتـك بيضـاء وأبيض وجه وأبيض لباب =لو دوروبــك عيوب أعداك مابك عيوب


  أرويت نفسك بذكر الله ويــوم الحســاب =وقاطعــت كل الذنــوب وقاطعتــك الذنــوب       


ياعـل ربي يجيبــك عقــب شيــن الغيــاب= ويروب دمعاً حلف في غيبتك مايـروب         


   وإن كأنه أتعبك غضروف الظهر واستصـاب= تفـداك روس العرب والغضرفـة والجنـوب


 ندعــي لك الله وصــــدوق الدعــــاء يستجاب=يالله عسى من دعالك بالشفاء له وجــوب        


  ياذخــر الإسلام ياحـــرز العـرب يامهـــاب = ياملك الإنســانيــة والبلـــــد والقلــــوب