كل القلوب ان ودعتك الســــلامه=تشتاق لك مـــثل الطبيب المواسي 


تقرا بك دروس الشرف والكرامه=وتشوف ذكرك باول السطر اساسي


ياتاج راس العز يااغلى وسامه=يــــــــاراسي مثل الجبال الـــرواسي 


يشتاقك المسجد اذان00 واقامه=بوجهك –سراج الدين- نور الامــاسي  


في موضع سجوده وموضع قيامه=نشوف به مطعم يتـــــــامى وكـــاسي 


يشتاقك المجلس وساعة نظــامه=كل المراجل عند زولك تـــقــــــــاسي 


الياوقفت انت اشرف القوم  قامه=والياجلست انت الشــــــرف للكراسي 


 يوم اتلفت لانت للمجد هــامه=فــــيها العدل يجلس وهو 00متواسي 


ياسيف ابوه ومجنده ياحزامه=ياعــدلنا اللي  بالموازين 000راســـي 


ياخطوته 00ياسطوته يااحتشامه=نلوذ بك عــــند احتــــــــــــدام الماسي 


يارهبته 00ياهيبته في كــلا مه=طيب وقاسي 00وانت طيــــب وقـــاسي 


هذاأنت  ياشيخ الشرف والزعامه=لكــم يرد الوقت 00ماكان نـــــــــاسي


كفك لــداعي الخير برد وسلامه=وفيـــــــــها لـــداعي الشر هم  ومآسي


يابو اليتيم ان جايرالضيم ضامه=يابو الــــغريب ان طوحته 00الـــمراسي 


الليل مايرخي علـــــــــينا لثامه=وانت الصباح وبه يطير 00النعــــــاسي 


طهر الليالي قد لك مــــنه خامه=وكف المروه مد لـــك منه كـــــــــــاسي 


 هذا الشمال بطــــيبته واحـــترامه= قبل  كــفوفك كثر ماهي تواســــــــي 


من فتحت عينه وبـــين كـــــلامه=باسمك (هتف ) مابالحروف التباسي 


ابو عياله حافــــظين مقـــــــامه=تفداك روس النـــاس من دون بـــــاسي 


ياسيدي ولاعـــــــليه  مـــــــلامه=لاجــــيت اقول الشعر واطلق حـــماسي   


واليا ذكرتك صار شعري غمامه=تمــــــــطر بقــــــــلبي حب وتظل راسي