سيدي عرعر ونجران وأبها جـت تبيـك=وسافرالدمـام معنـا لجـده بالريـاض 


دومة الجندل من الجوف وسكاكا تحكيك=والحفر من دمعة الشوق معه فليج فـاض 


وشف تبوك تباري الساحل الغربي هذيك=وينبع اللي شفت دون المحارم والعـراض 


بالمرض لوعنك يصيـر غيـرك نفتديـك=عنك يردون الملايين للمـوت الحيـاض 


مسقط راسك قمّة المجد ماكـر والديـك=بارقٍ بدري من الوسم وردوا يوم نـاض 


سيدي يحفظك يشفيك من ماله شريـك=واحدٍ أمره علي الكون مافيـه اعتـراض 


الملك والقلب الأبيض عضيده محتضيـك=بحب أمّه واقعي زيف مابـة وإفتـراض 


حب أبو خالد بنا حق يالقلب وعليـك=طبعنا اللّي منه عدوانّـا قامـت تغـاض 


حب سلطان البشر فيه يالبغض تغزيـك=بدمّنا حبه وبالقاع هـو نبـت الفيـاض 


نحتفظه بقلوب ملعون مـن لايشتهيـك=مانجامل خط حبك عريض من العـراض 


أنت بأمر الله كفوفك غناه لمـن يجيـك=ماردٍ عذبٍ لو الوِرد واجد مـا يغـاض 


العطاء طبعك مصبّه يمنيك مـن يديـك=السّخاء كله من النبع كفّـك للمخـاض 


رمح شلفاء سيف صدر المعادي يشتكيك=للعداء والمعتدي موت كانه ما استعـاض 


سيدي شامخ علي المجد تاجـه مرتديـك=مسلمٍ قال أبيض الشاش فيك أنت البياض 


جعل يوم الحفل عيد السلامة بك وشيك=فيك قافي يا مليّـش قوافيـا استـراض 


يالله تحقـق دعانـا عبـادك نرتجيـك=تشفي ظلالٍ عن الشمس لو تنجض نجاض