يامكرم ضيوفك على شان تصوير
ثم تمسك الجوال لحظة عشاهم


عساك ماكفيت يامخلف السير
سلم العرب للضيف يقصر ضواهم


من اجل ياخذ راحته دون تشهير
على العشا. بالليل وللا غداهم


يلقى الكرم ماهو مهايط وتبذير
ولاهم عرب سلفي بحوش قصراهم



يوم العرب والجوع فيهم مناعير
للجار حشمه والمسيّر نصاهم


ل كبيرهم توقير هيبه وتقدير
يمشون في شوره وربي عطاهم

في حبهم دايم ربيع ونواوير
وكلن على ماقيل صافي سماهم



صحيح دور الناس هو عندنا غير
جمهور ببجي يختلف عن هواهم


في مختلف دنياي فيها جماهير
وكثير عاب الناس في مستواهم


شهادة. الشيبان خير وتباشير
من صغرهم درس الرجوله حماهم


واليوم بعض الناس يحتاج تفسير
مابين درس الطيب واللي خفاهم


يا مخلف العادات عكس المظاهير
اخلفت عادات العرب في قراهم


بعض التطور في امواجه طوابير
ضاعو وضاع. الخير حتى نساهم


تلقى مداحمهم بباب الخوامير
يالله لا تشمت بنا من دعاهم


واجعل لنا من باب جودك تياسير
واختم لنا بالخير. وابعد شقاهم


هذا وصلى الله على خير تبشير
رسولنا الهادي بخير ه لفاهم