قصيدة شعرية بمناسبة اليوم الوطني 93 بعنوان رأس الطويله للشاعر سعود الرميزان


راس الطويله

ترجع بي الذكرى على ذيك. الأيام
يوم أنها صحراء وأرضٍ محيله


كني سمعت الصوت من صوب الأيتام
ناموا على جوع الليال الطويله


ناس أتناحر بينها. قطع وأجرام
هذا سحب سيفه وذاك الفتيله


لين أعتلا نورٍ. كشف. سود. الأعوام
نورٍ سطع في. نجد راس الطويله

عبد العزيز اللي على العاليه حاااام
حرٍ على العدوان يشفي غليله

وحد حدود المملكه برمح واحسام
يامن بها الخايف وينجي دخيله

نهج الشريعه غايته حج وصيام
ومناهج التوحيد يدعم دليله

ويهدم براثين البدع شرك وأصنام
في همته هد الجبال الثقيله


وأضفى على أرضه بعلم وتفهاااام
في قوته في رحلته في مقيله

للعلم ناسه وللعرب صار صمام
في هيبته في مشيته. في رحيله

حط النظام وأعلن حدود وأحكام
في نصرة المظلوم دايم كفيله

الخير في كفه أذا نااام. أو قاااام
حتى الدول جاته خضوعٍ ذليله

للعز رايه والعلم فوق الاعلام
بالعز رفرف في. نهاره. و. ليله


آل سعود وعزهم عزنا دام
يا معدلين الشيل. ثقله. وميله

تسعين. عام وزيدها. عدة أعوام
يطلع لك الرقم الاكيد. وحصيله


هذه هي الذكرى بلا. شك. ووهاام
تمطر علينا. وبالصحاري. مخيله


المملكه قوه وهيبه وهندام
اول مصافه بالدول يرتكي له

يوم أخو نوره عزها. الليث ضرغام
يحمي حماها. وأسرج. العز خيله

وشعبه على الطاعه. أذا صار قدام
لا قادهم. سلمان فوق الكحيله

ومحمد الشامخ شجاعٍ. ومقدام
يشهد له التاريخ. نابغ. بجيله

يشهد له الاعداء وديار. الاسلام
في حنكته. شرقه. وغربه يجيله

عنده على بابه يحبون. الاقدام
يخضع. اللي. بالامم. شاف حيله


هذا وصل الله على خير. الآنام
شفيعنا يوم الاوادم. ذليله


سعود بن فيصل الرميزان