الرئيسية الأخبار المقالات الصور البطاقات الفيديو راسلنا

 

الأخبار اخبار منطقة الحدود الشمالية قصيدة موجهه لسرور بن شاقي بن شايع الشمري 03-11-2011 01:46 AM مناسبة هذه القصيدة كان سرور بن شاقي بن شايع الشمري من خوالي . وكان بيني وبينه مساجلات في وقت فائت مع فارق العمر بيننا آن ذلك . وقد باعدت الظروف بيننا . وكنت أحن إلى عذوبة شعره وسلاسة قوافيه التي كان يتغنى بها . وارسلت له هذا الطارشي من الديار التي قد كنت اسكنها سلام عليه واخبره بما كنت اعاني من الفرقه واشتياقي له وللديار يسكنها . وقد توفي قبل أن يحصل اللقاء الذي طالما تمنيته . وهذه سنة الله في خلقه علما بأن هذه القصيده قبل ثلاثين سنة ولكن لا ادرك تاريخها تحديداً باليوم أو الشهر . وما هي الا خلاجات تنفس واحاسيس ضمير ومثلي كثير .... ياطارشي من دار عرعر وابا القور يمتها لنجد الغذيه تزوره ياطارشي بلغ سلامي على سرور أنا شفاي ورغبتي في مروره بلغ تحياتي لخالي ومشكور وسرور يعرف وارده من صدوره ياسرور ماكثر التحاسيف ياسرور تبي ترجع مامضى من عصوره لكنها لحظات تفكير وشعور ياسرور مكتوبة للأيام دوره لولاي أفضي خاطري واشوف القور لعل يهدى خاطر فيه ثوره أحس شيئ مايبي طب دكتور لهيب نار بالضلوع محشوره العين تذرف دمعها تقل ممطور ولا الغروب اللي تردت سيوره ومن سألني قلتله هزم وبثور تذرف ليا حست عيوني ذروره من شان مايفطن وأنا أكون معذور أكتم بنفسي والعيون معذوره ياسرور من شيء على القلب ماسور وسر الشداد اللي بقد وسوره لا شك اداري هرجة الكذب والزور يفرح بها اللي قاصرات شبوره كل الشعور الصادقة يجعلة عور طبع بنفسه والنميمة سروره ياسرور هرجة مبغض يجحد النور يضفي على الغافل طوارف شروره ياسرور هرجة مبغض يجحد النور يضفي على الغافل طوارف شروره ياسرور في عرض العرب تقل مسعور مابه مخافه يقطع الله دبوره لابوح في سدي وأنا فيه معذور ولو أن في كشف السراير خطوره ما أخشى من العاقل فهيم ومخبور أخاف من هذر اللئيم الهذوره ياسرور من شفت المداهيل والدور وشفت الدروب اللي كثير نزوره وشفت الهضاب الي شرق فوقها نور وشفت الشعيب اللي تخالف زهوره وشفت المكان اللي نزوله تقل قور سود الرباع اللي كبار كسوره وشفت القطين أشكال طور ورا طور وشفت الضعون اللي بعيد نشوره شفته خلا مابه من الحي ماثور قفر به الارضه تبني جحوره من سكنها الاول صحاصيح وقفور كنه من السكن القديم مهجوره أسال ولا انباني عن الحي مذكور ولقيت من يسأل سؤالي بدوره كل سلك درب مسانيد وحدور وتفرقوا من غير راي ومشوره ودي بهم لو هي تجي لي على الشور لكن هيمات الخيال مغروره حكم الزمان اللي على الخلق مأمور الله أكبر يالسنين الغيوره الله وأكبر كل يوم لها دور تفني وهي بالحالتين معموره ياسرور أنا سري عن الناس مستور قفلت بيبانه وعليت سوره عن أقرب الأقراب كني ورا سور لاشك حدتني عليه الضروره حب الوطن ياسرور بين ومشهور لو هو بعيد عاش بالنفس صوره قلبي بنجد معلق تقل مسمور يكفخ مثل كفخ القضيب لنقوره ياعاذلي في حبها ما اسمع الشور قبلك علوم العاذلين مخبوره أحبها حب به الدم مفطور حب طبيعي عميقا جذوره به اللحم والدم والعظم مجبور وأحس أني قطعة من صخوره ياما تدرجنا صغيرين وبزور باطرافها يبهل علينا دروره ياما سكناها لو الحال ميسور وياما شربنا من ثمايل مقوره مشيت بالرمضا سعيد ومسرور والقايله يلفح علينا هجوره أعيش كني في بساتين وقصور في وسط جنات تدفق نهوره عسى مباكير الحيا فيه منثور تسقيه زخات المزون الدروره ديم تقفا ديم والغيم مزبور وقت العشا يسقيه وعند البكوره الشاعر / عماش بن مثيب المطرفي 1 خدمات المحتوى أدوات : [إرسال لصديق] [طباعة] [حفظ بإسم] [حفظ PDF] التعليقات #10440 [فهد] 03-18-2011 08:46 PM الله يعطيك العافية وبيض الله وجهك تقييم 0.00/10 (0 صوت)