المملكه قامت تـزف التباشيـر = عم الفرح باطراف كل الجزيـرة
ولي عهد المملكه عاد في خيـر =سلطان جعل الله عن الشر يجيره
نحمدك يارزاق عـوج المناقيـر =الواحد اللـي مالنـا رب غيـره
واحد أحد فرد صمد رازق الطيـر = عالم خفيات الأمـور السريـره
نحمدك يامـن عالـم بالمقاديـر = يافارج الشـدات لوهـي كبيـره
عافيت أبو خالد طويل الأشابيـر = حلال صعبات العضال العسيـره
سلطان عاد وزان بدع التعابيـر = والشعب رحب والجموع الغفيـره
سلطان نسل ملوك نجد المناعير = اهل السيوف اللي تصد المغيـره
ملوكنا نعم الملـوك المشاهيـر = وعدوهم شاف النكد والكسيـره
وحييت ياسلطان مسيت بالخيـر = الشعب سلطان السعاده بشيـره
والجيش بك يفخر وكل الطوابيـر = يكفيك انك يابـو خالـد وزيـره
ياسيدي ماعـاد فيهـا محاذيـر = اضرب ولا ترحم نفوس ٍ شريره
دك العدا واطم خشوم الخنازيـر = والمرتزق خله يواجـه مصيـره
وحنا جنود الدار جنـد ٍ مغاويـر = وسيوف في وجه المعادي شطيره
حق الوطن يامير مافيه تقصيـر = ومن صد هاك اليوم مافيه غيره
سلطان ياسلطان الأمجاد والخير = كل القلـوب بعودتـك مستنيـره
رحلة علاجك أثرت بالمحاجيـر = وعيون شعبك في غيابك سهيره
والحمد لله واتبع الشكـر تكبيـر = حل الفرح بالدار في كـل ديـره
عافاك ربي كـل الأيـام ياميـر = وياسعد منه سيدي انـت اميـره
واكـرر الدعـوات لله تكـريـر =يحفظ قيادات الوطـن والمسيـره
صخرت قيفان التماثيل تصخيـر = يوم الشذا هبت نسايـم عبيـره
يانجد زفي فرحتـك والتباشيـر= مبروك عودة رمزنـا للجزيـره
|
