يامل عينٍ حـرق الدمـع موقهـا =      جرح محاجرها وكثرت  حروقهـا


هـمٍ يودينـي وهـمٍ  يجيبـنـي     = والحال منـي ناشفـاتٍ عروقهـا


لـي مـدة أيـامٍ سهيـرٍ لحالـي     = والعين صافي دمعها صاب  موقها


العين تشكي لوعة الحب  صابهـا   =   قامت هواجيس العذارى تسوقهـا


لي صاحبٍ يشكي علي وأشتكي له  =    مواصله ومواصلي صار  عوقهـا


حبه تمكن في ضميـري وعلنـي      =شيهانةً شريـان قلبـي سبوقهـا


حور العيون اللي ذبحني هواهـن      =منهن ترى روحي تزايـد فتوقهـا


ومـع زيـن المثايـل  جميـلـه =     مثل القمر تهيـل لمعـة بروقهـا


والشعر الأشقر فوق الأرداف مايل =     بنت الرجال اللي تنومس  طروقها


لا والله اللي صرت هايـم بحبهـا     = لا واهني من صار بالشرع شوقها


اللـي تبادلنـي مشاعـر غلاهـا     = وتشكي زناديقٍ تلـوي  شدوقهـا


تقول لي حطوا على القلب  علـه     = ناسٍ تسلـح بالنمايـم  حلوقهـا


ماهمهم ياكـود قـذف  العـذارى     = ماينعرف نمامهـا مـن سروقهـا


وعهدٍ علي اصون حبـي وحبهـا     = وماخون همسات الغرام ونبوقهـا


ترى الذهب يفرق عن الماس لونه    =  يبيـن خافيهـا وتطلـع فروقهـا


وانت الذهب والماس والدر  كلـه     = وانت العقود اللي تلامع  بروقهـا


ومن الجمال اليوسفي فيك عينـه    =  كل العذارى في جمالـك  تفوقهـا


يامنبع الياقوت ساسـك ومعدنـك     = مابك خليط نحاس تطلع صنوقهـا


انت الزمرد كامل فـي  وصوفـك     = يادرةٍ مسـرور فيهـا معشوقهـا


اقسمت لك اني على العهد  باقـي   =   مدام شمس الحب تطلع شروقهـا