ياهند صدري ضاق يا ضّيّ عيني=الليل ضايمني وأنا قبل مـــنظام


ما داني الشرقه ولا أداني الفي=والليل يجرحني سواده ولا أنــام


ياهند ليه الناس ما تترك الغــي=ياهند ليه الناس تقطع بالأرحــام


ياهند ليه الحظ دايم يجي ســـي=دايم يجي خلفي وأنا أرميه قـدام 


ياهند مت من العطش والعطش مي=ياهند شوفي حالتي جلد وعظــام


ياهند كان الزرع ينبت بلا ري=يجوز احقق ما بقالك من أحـــلام 


ياهند قلبي فيه كي ٍّ علىَ كي=النار تاكل به وأنا رافع الهـــــام


يالغاليه ليتك تشوفين وش بي=بي هم يصلح للمحابر والاقــــلام


يا لّي يانفخة هَلْ الكبر يا لّي=ما هزت أطرافي تمــــاثيل الازلام 


اقفي عن الدنيا واناظر لها شوي=وياشفت وجهك ردني شوق وهيـام


شفت البروق وقلت معقول أنا حي=معقول أنا عـايش وأنا ميت العام


فركت عيني يوم طالعت للضي=ورديت مابالذاكرة مثل الافـــلام


حكيت راسي ثمْ صفقت بيدي=ولقيتني عايش وميت بالاوهــــام 


بالله من يكسرك ياقيد رجلي=مليت من سجنك تكرم بالإعــــدام 


الله من هم ٍ طوىَ خافقي طي=بين الضلوع المهدفة هوش وزحـام


ما عاد به صاحبٍ ولا عاد به خَيّ=إلاَّ صديق ٍ شايلينه للايــــام 


ماني وأنا فرحان عَيٍّ ولد عَيّ=متسولاً ينسىَ صلاته ليا صــــام 


ولا لابس ٍ في كل حفله ردي زي=باب الردىَ سكّرت امانه بصمام 


مره بغيت ازعل واذوق اللحم نِيّ=لا شكْ ..ردتـني تعاليم الاسلام 


واحرقت لي صندوق مابه ولا شــيّ=إلاَّ قصاصاتٍ بها بعض الارقام